Copyright © Թարգմանի'ր
Design by Dzignine

Թարգմանի'ր

«Եթե մի բան ուզում ես լավ հասկանալ, թարգմանիր». Բերնարդ Շոու

Հետաքրքիր նյութեր CSS Drop Down Menu by PureCSSMenu.com
Thursday, November 16, 2017

Աշխարհի անցուդարձից

Տարօրինակ գյուղը
Էպեկուենը, որը գտնվում է Բուենոս Այրեսի (Արգենտինա) հարավ-արևմուտքից 549 կմ հեռավորության վրա մի ժամանակ եղել է աղային լճին մոտ գտնվող մի գյուղ: Այն անսպասելի կործանվել է 1985 թվի նոյեմբերին, երբ գյուղամերձ լիճը ափերից դուրս եկավ և ջրի տակ առավ գյուղը: Տեղաբնակները և զբոսաշրջիկները ստիպված էին հեռանալ ևչընդամենը մի քանի օր անց նրանց տները և կառույցները գրեթե տաս մետր խորությամբ հայտնվել էին աղի լճի տակ։
Friday, November 10, 2017

Ցուցումներ մոլորակը փրկելու համար և մի հետաքրքիր թատրոնի մասին


Էկոլոգիական քայլեր մոլորակին օգնելու համար:

Ատամները լվանալու ընթացքում պետք է ծորակը փակել։
Երկարատև լոգանքի փոխարեն պետք է ընդունել կարճ ցնցուղ։
Պետք է լույսը անջատել սենյակից հեռանալիս։
Էլեկտրական սարքավորումները անջատել, երբ այդ պահին չեք օգտագործում։
Պետք է էներգիա խնայող լամպեր գնել։
Tuesday, November 7, 2017

Նիկոլո Տեսլայի ութ ասույթներ

Նիկոլո Տեսլա
Մեծագույն ինժեներներից մեկը ծնվել է 157 տարի առաջ՝ 1856 թ. հուլիսի 10 ին: Կենդանության օրոք նրա հայտնագործությունների փառքը հաճախ հասնում էր ուրիշներին, բայց պատմությունը ամեն ինչ իր տեղն է դնում: Թերևս, բոլորից լավ դա գիտնականին իր Ձոնի մեջ արտահայտել է ամերիկացի քաղաքական գործիչ Ֆիորելլո Լա Գուարդիան, ով Տեսլայի մահվան պահին Նյու Յորքի քաղաքապետն էր. «Տեսլան իրականում մահացած չէ: Միայն նրա խեղճ մարմինն է անշարժացել: Տեսլայի իսկական ամենակարևոր մասը ապրում է իր նվաճումներում, որոնք իսկապես մեծ են, համարյա անհաշվելի են և դարձել են մեր քաղաքակրթության, մեր առօրյայի անբաժանելի մասը»: Նիկոլա Տեսլայի ծննդյան օրվա առթով կազմել ենք նրա կյանքի տարբեր բնագավառների մասին ասույթների ոչ մեծ ցուցակ:
Sunday, October 29, 2017

Երկու հետաքրքիր լուր

Ջրից ելնող եկեղեցին
Մեքսիկայում միշտ երաշտ է, և հավանաբար իսպանական գաղութարարների՝ 16-րդ դարում կառուցած եկեղեցու ավերակները հայտնվել են ջրամբարների ջրահեռացման ջրերի տակ։ Առաջին անգամ, դարձյալ երաշտի պատճառով, եկեղեցին տեսանելի դարձավ 2002 թվին: Ջրի մակարդակը այնքան ցածր էր, որ այցելուները կարողացան քայլել տաճարի ներսում: 400-ամյա տանիքազուրկ եկեղեցին հայտնվել է Գրիխալվա գետի ջրի՝ 24 մետր անկման պատճառով: Փորձագետները հավատում են, որ ավետարանչական Դոմինիկյան միաբանության անդամները 1564-ին կառուցել են տաճարը, իսկ հետագայում այնտեղ ​​բնակվել են զոքե ցեղի մարդիկ: 1966 թվին Մալպասոյի ջրամբարի կառուցման ավարտից հետո ջուրը ծածկել է տարածքը։


Շների զգացմունքների մասին
Հետազոտությունները ցույց են տվել, որ շների դիմախաղն ավելի ցայտուն է դառնում, երբ նրանք գիտեն, որ մարդիկ նայում են իրենց։ Մի շնապահ իր տված հարցազրույցում ասել է, որ իր շները ցուցաբերում են իրական զգացմունքներ, ինչպիսիք են «Ես վախեցած եմ» կամ «Ես մեղավոր չեմ»։ Մարդիկ նախկինում կարծում էին, թե շների զգացմունքները ակամա արտահայտումներ են, ոչ թե հաղորդակցության հաշվարկված միջոց։ Ուսումնասիրությունը, որ տեղի է ունեցել Պորտսմութ համալսարանում, հետազոտել է տարբեր ցեղատեսակների 24 շների, իսկ ուսումնասիրությունը ղեկավարող դոկտորը վստահ է, որ շների զգացմունքները ընտանի դառնալու արդյունք են։


Թարգմանությունը՝ Սոնա Մայիլյանի
Խորհրդատու՝ Իրինա Ապոյան


Wednesday, October 18, 2017

Յոկո Օնո

Վաղ տարիները
Մուլտիմեդիա նկարիչ և բեմադրող Յոկո Օնոն ծնվել է 1933 թվականի փետրվարի 18-ին Ճապոնիայի մայրաքաղաք Տոկիոյում՝ արիստոկրատների ընտանիքում։ Նա Իսոկո և Իսուկե Օնոների երեք երեխաներից ավագն էր։ Իսուկեն (հայրը), որն աշխատում էր Յոկոհոմայի բանկում, տեղափոխվեց Սան Ֆրանցիսկո՝ Կալիֆոռնիա, Յոկոյի ծնվելուց երկու շաբաթ հետո։ Շուտով ընտանիքի անդամները հետևեցին նրան։ Նրա հայրը տեղափոխվեց Ճապոնիա 1937 թվականին, և Յոկոն հաճախեց էլիտար դպրոց Ճապոնիայում։

1945 թվականին 18 տարեկան Յոկոն ընտանիքի հետ տեղափոխվում է Նյու Յորք։ Նա սովորում է Սառա Լորենսի քոլեջում, բայց թողնում է քոլեջն ու փախչում իր առաջին ամուսնու՝ Տոշի Իշյանագի հետ։
Tuesday, October 17, 2017

Ողջ ճշմարտությունը վհուկների մասին

Գրեթե ամեն բան, ինչ մեզ հայտնի է վհուկների մասին, չի համապատասխանում իրականությանը: Նրանք չեն կրում սրածայր գլխարկներ, չեն եփում տարօրինակ ըմպելիքներ հսկայական կաթսաներում, ու նրանց քթերն էլ կարգին են: Ու սրանք դեռ մի քանիսն են այն անհավանական բաներից, որոնք տեղեկատվական հանրահայտ միջոցները տարածում են վհուկների ու կախարդանքի մասին: Ահա թե ովքեր են նրանք իրականումլ:
Saturday, October 14, 2017

Ծուլություն. թերություն, թե՞ օգտակար սովորություն

Աշխատանքային շաբաթվա սկզբում հատկապես դժվար ես  քեզ ստիպում այս կամ այն բանն անելԿարող ես ուզածիդ չափ մեղադրել քեզ, պատճառները քո մեջ փնտրել, բայց բնությանը դեմ չես գնա. ծուլությունը էներգիայի պահպանման բնական  պաշտպանական գործընթաց է