Copyright © Թարգմանի'ր
Design by Dzignine

«Եթե մի բան ուզում ես լավ հասկանալ, թարգմանիր». Բերնարդ Շոու

Հետաքրքիր նյութեր CSS Drop Down Menu by PureCSSMenu.com
Tuesday, October 17, 2017

Ողջ ճշմարտությունը վհուկների մասին

Գրեթե ամեն բան, ինչ մեզ հայտնի է վհուկների մասին, չի համապատասխանում իրականությանը: Նրանք չեն կրում սրածայր գլխարկներ, չեն եփում տարօրինակ ըմպելիքներ հսկայական կաթսաներում, ու նրանց քթերն էլ կարգին են: Ու սրանք դեռ մի քանիսն են այն անհավանական բաներից, որոնք տեղեկատվական հանրահայտ միջոցները տարածում են վհուկների ու կախարդանքի մասին: Ահա թե ովքեր են նրանք իրականումլ:
Վհուկներ հիմա էլ կան: 1954 թ. անգլիացի Ջերալդ Գարդները հանրությանը ներկայացրեց նոր կրոն՝ Վիկկա: Ըստ էության՝ վիկկաները ներկայացնում են կախարդների մոդեռնացված պաշտամունքը. նրանք երկրպագում են կոտոշավոր աստծուն ու եռադեմ աստվածուհուն:
Հակառակ տարածված կարծիքներին՝ կախարդանքը գրեթե կապ չունի սատանիզմի հետ: Վհուկների ու կախարդների արմատները խորանում են մինչև հեթանոսական ժամանակներ, երբ «Սատանա» հասկացությունը գոյություն չուներ:
Ոչ բոլորն վհուկներն են չար: Միջնադարում կախարդներին բաժանում էին երկու խմբի՝ սպիտակ և սև մոգերի: Ի դեպ և՛ մեկին, և՛ մյուսին ինկվիզիցիան հաճույքով այրում էր խարույկի վրա:
Հնդկական Ասսամ նահանգի բնակիչները ցայսօր հայտնի են որպես սև մոգության իսկական կիրառողներ: Համարվում է, որ ընտրյալ վարպետները կարողանում են մարդկանց կենդանիների վերածել:
Միջնադարում կրակի վրա շատ անմեղ կանայք են մեռել: Վհուկության մեջ կարող էին մեղադրել ցանկացած մեկին նախանձի, նենգության, չբավարարված ցանկությունների պատճառով: Այսպիսի դրվածքը Եվրոպայի բնակչությանը փաստի առաջ կանգնեցրեց. երեխա ծնող ուղղակի չկար:
Բայց ավելի շատ կանայք են մահացել տանջանքների խցերի պատերից ներս: Հալածանքների էին ենթարկում բոլոր դասերի ներկայացուցիչ աղջիկները: Մանկաբարձ լինելը վտանգի տակ էր դնում ոչ միայն սեփական, այլ նաև մտերիմների կյանքը:
Գոյություն ուներ հատուկ ձեռնարկ՝ սև մոգերին գտնելու համար: Malleus Maleficarum-ը սև
վհուկների որս կատարողներին սովորեցնում էր մասնագիտական հմտություններ՝ որ հատվածում սափրել կնոջ մազերը՝ Սատանայի նշանը տեսնելու համար, ինչպես խուսափել կախարդանքից, և անգամ ինչպես քշել իրեն՝ չարքին։ Իր վհուկներն ուներ ոչ միայն Եվրոպան։ Հնդկաստանն աճեցրել է սև մոգության իր երկրպագուներին՝ Daayani-ներին, որ նշանակում է գերբնական ուժերով օժտված կին: 15-րդ դարի ընթացքում Daayani-ի պաշտամունքը տարածված էր հնդկական բազմաթիվ նահանգներում:


Թարգմանությունը՝ Դիանա Տատինցյանի

0 մեկնաբանություն:

Post a Comment